Familia estimatuak:
Duela gutxi jakin dugu ikasgelen itxiera beste abisu bat eman arte luzatzen dela; beraz, Cantarrana Ikastetxe Publikoan lan egiten dugun guztiok lasaitasun eta esker oneko mezua helarazi nahi dizuegu.
Jakitun gara egoera honek ezinegona eta kezka ekarri duela gure etxeetara esparru askotan eta maila desberdinetan. Gure familien eta lagunen osasunarekiko kezkari, zenbait kasutan lan- eta ekonomia-ziurgabetasunari eta lana eta familia uztartzeak dakartzan zailtasunei, zuen seme-alaben eskola-lanen arreta ere gehitu behar zaie.
Ezer baino lehen, eskerrak eta esker ona adierazi nahi dizkizuegu, eskola-etapa berri eta ezezagun hau nola onartzen eta aurrera eramaten ari zareten ikusita. Egun gutxitan jaso dituzue deiak, e-mailak, liburuak, fitxak, koadernotxoak … Informazio mordoa, zuen seme-alaben eskola-jarduerak ahalik eta biderik onenetik jarrai dezan.
Ulertu behar duzue gure lana eta erantzukizuna dela ikasleei helaraztea, eskura ditugun bideetatik, eskola-jarduera ahalik eta normalizatuena izaten jarraitzeko behar den materiala, bizi dugun egoera zaila kontuan hartuta. Horretarako, geure onena ematen ari gara, egoera berria baita irakasleentzat ere. Lan latza da, pozez egiten duguna, eta gure familien ondoan konfinatzeak ahalbidetzen digun irribarre onenarekin.
Familiek funtsezko eginkizuna betetzen duzue prozesu horretan, ez hainbeste eskola-eremuan, baizik eta emozionalean. Zuek bezalako inor ez egoera kalibratzeko eta horren arabera erabakitzeko. Zuek bezalako inor ez etxean lasaitasuna eta sen ona eskaintzeko eta erakusteko. Bizitzea tokatzen ari zaiguna bezalako isolamendu egoera batean, inguratzen gaituenekiko hurbiltasuna funtsezkoa da.
Eskolako lanak egiten laguntzera animatzen zaituztegu, baina estutasunik gabe, antsietaterik gabe, presarik gabe. Badakigu familia-egoera ugari gertatzen ari direla, eta, batzuetan, lehentasuna eman beharko diezuela beste lan batzuk egiteari. Etengabe izango gaituzue ondoan, elkarlanean, proposatzen, aholkatzen, laguntzen. Laguntza eska dezakezue behar duzuen guztietan, badakizue zein diren horretarako bideak. Ez dizuegu inoiz eskatuko gure funtzioa ordezteko, eta guk ere ez dugu zuena ordezkatuko, osatu egin behar dugu. Malgutasunak familiak eta irakasleak ezaugarrituko dituen zerbait izan behar du egunotan.
Ez dugu agur esan nahi gure esker ona berretsi gabe zuen ulermenagatik eta lankidetzagatik. Behar duzuenerako gaituzuela behin eta berriz esan gabe ere ez dugu agur esango. Cantarrana familia handia da, eta oraingo honetan inoiz baino batuago egongo da. Berandu baino lehen, aurrez aurre egoteko aukera izango dugu; izan ere, haurrek jendarteratutako esaldiak dioen bezala, DENA ONDO ATERAKO DA!
